جانت عدنا صوره صغيرة وسط البيت
فلت بسمارها وجامتها مسكوره
طاحت واهلي كلها استغفر الله اتصيح
جن طيحت خبز هيج اهلي مذعوره
كمنه بساع الها ونكثناها بساع
ولزكناها بتمر ما بقت مشموره
صوره المن كبل ما اعرفه هو منين
كرايب لو عرف ما مفتهم دوره
ما اعرفه منو بس لابس خضر جان
وعليه رسمه ضوه وجان القصد نوره
وحدر من عنده سيف وشاك زيجه السيف
واكو يمه اسد واكتابه مشروره
اهلي شكد اله ينذرون وكت الضيج
من اريد انجح كمت انذرله النذوره
حتى اذكر كبل من ردنه مره نشيل
اول ما كمت رحت اشلع الصوره .

علاء المغشغش