بس علي الجنه عليه لزمت سره!-حسين الساعدي

الناس لزمت سره وتريد الجنان
بس علي الجنه عليه لزمت سره
:
صاحب الرايه علي ابيوم الطعان
وبالمعارك ما تراجع ليوره!!
:
علي باب العلم خط الاتزان
الزاودوه ابكلشي صاروا مسخره!
:
مايبغضك ياعلي الا المُدان
الماعرف ياهو ابوه ومصدره!
:
انته اسمك نَور أذان الأذان
ونَور اليكتب احروفه ابدفتره
:
بيش أوصفك؟ وانته رمز العنفوان
ولا فتى غيرك وكلك مفخره
:
راح أوصفك بالشعر أن الأوان
حتى يدري كل غشيم المادره!
:
بالبخاري ومسلم ابخطك ضمان
والمصادر كلها باسمك ذاكره!
:
العاندوا غشمه ويخسرون الرهان
الهسه لو صلوا,, صلاة امبتره!
:
جاملوا كل باغي وعار وجبان
رادو ايجملون صوره امزنجره!!
:
لكن ابيوم القيامه الامتحان
واليحبك معفي من المجزره!
:
ساقي الكوثر علي الأنس اويه جان
وعالسراط ايشيل ناس امعثره!!
:
هاي دنيا مدرسه وبيها االهوان
وكلها تتمنى ابنجاح امبشره!
:
بيها خط أعوج عله طول الزمان
وبيها خط المستقيم ابمسطره!
:
خط الأخضر* خطك الدرب الجنان
وخط الاكشر* لال اميه الكافره!
:
يعني جنه ونار كل خط المكان
والاقلام الكل مكان امأشره!!
:
والنواصب أبد ما الهم أمان
لأن ما وفوا العتره الطاهره!
:
الما يوالي حيدر اتشوفه مهان
ونادم ومتأسف ابكل الجره!
:
اتمنى ما خالف رسول الله ابلسان
والاحاديث التركها امسَطره!!
:
والرسول الكال من ذاع البيان
الما يوالي المرتضى يندم تره!
:
الجنه ميطبها ولا يلكه الحنان
اذا ما عنده شهاده امحضره!
:
شرط كون ابكل شهادة امتحان
ناجح وبيها توقيع الحيدره
ناجح وبيها توقيع االحيدره
حسين االساعدي